Azərbaycan Dövlət Pedaqoji Universitetinin Şamaxı filialına ən yüksək balla qəbul olunan tələbəyə Tələbə Həmkarlar İttifaqı Komitəinin (ADPU THİK) birdəfəlik xüsusi təqdaüdləri təqdim olunub. Təqdimat mərasimində ADPU-nun rektorun professor Cəfər Cəfərov, elm və innovasiyalar üzrə prorektor professor Asəf Zamanov, sosial və humanitar məsələlər üzrə prorektor professor Fikrət Rzayev, Şamaxı filialının direktoru dosent Tünzalə Yusifova, Quba filialının direktoru professor Yusif Alıyev, Şəki filialının direktoru dosent Vurğun Məmmədov, Ağcabədi filialının direktoru dosent Mobil Məcidov, Cəlilabad filialının direktoru dosent Xudayar Sultanlı, Magistratura və doktorantura şöbəsinin müdiri, s.e.ü.f.d. Rəşad Sadıqov, Tədbirlərin təşkili və tələbələrlə iş şöbəsinin müdiri Turan Kərimli, İctimaiyyətlə əlaqələr və marketinq şöbəsinin müdiri Taleh Mirzəyev, ADPU THİK sədri Cəmilə  Qurbanova və cari tədris ilində ADPU-nun bakalavriat və magistratura səviyyələrinə, eləcə də ADPU- nun Şamaxı  filialına ən yüksək nəticə ilə qəbul olunmuş Hidayətli Zəhra da  iştirak edib. Qeyd edək ki, 2025/2026-cı tədris ilindən etibarən ADPU THİK […]

14 noyabr 2025-ci il tarixində Təhsil Tələbə Krediti Fondunun təşkilatçılığı ilə məsul şəxslər üçün “Hədəflərə yönəlik şəxsi inkişaf proqramı” çərçivəsində “Liderlik və komanda idarəçiliyi” mövzusunda təlim keçirilmişdir. Təlimdə ali, orta ixtisas və peşə təhsili müəssisələrinin e-ttkf.edu.az portalı üzrə təyin olunmuş məsul şəxslər iştirak etmişdir. Tədbirin […]

Yeni Azərbaycan Partiyası Şamaxı rayon təşkilatında təsis olunmasının 33-cü ildönümünə həsr edilmiş “Yeni Azərbaycan Partiyası dünənin, bu günün və gələcəyin partiyasıdır” adlı tədbir keçirilib Tədbir iştirakçıları öncə Ümummilli Lider Heydər Əliyevin abidəsini ziyarət edib, Ulu Öndərin abidəsinin önünə gül dəstələri düzərək onun əziz xatirəsini ehtiramla yad ediblər. Tədbiri Yeni Azərbaycan Partiyası Şamaxı rayon təşkilatının sədri Tural Qasımlı açaraq partiyanın yaradılmasının tarixi zərurətindən, keçdiyi inkişaf yolundan və bu gün ölkəmizin siyasi həyatında oynadığı mühüm rolundan söz açıb. Sonra Yeni Azərbaycan Partiyasının təsis olunmasına həsr olunmuş videoçarx nümayiş etdirilib. Tədbirdə çıxış edən Şamaxı Rayon İcra Hakimiyyətinin başçısı Tahir Məmmədov Yeni Azərbaycan Partiyasının ölkəmizin siyasi həyatında oynadığı misilsiz rolunu vurğulayıb. Natiq qeyd edib ki, Ulu Öndər Heydər Əliyevin siyasi irsininin davamçısı cənab Prezident İlham Əliyevin rəhbərliyi altında həyata keçirilən genişmiqyaslı islahatların icrasında Yeni Azərbaycan Partiyası hər zaman dövlətçilik maraqlarının təmin olunmasında, milli inkişaf strategiyasının uğurla reallaşdırılmasında aparıcı qüvvə kimi çıxış edir. […]