ŞÖBƏNİN TARİXİ

         Şöbə ilk olaraq Tədris və tələbə şöbəsi adı ilə 2008-ci ildən fəaliyyətə başlamış, ADPU-nun Şamaxı filialının 23.11.2018-ci il tarixində təsdiq edilmiş yeni strukturuna müvafiq olaraq 2019-cu ilin yanvar ayının 3-dən Tələbə və tədrisin idarə olunması şöbəsi adı ilə fəaliyyətini davam etdirmişdir. 05.01.2022-ci il tarixindən şöbənin adı dəyişdirilərək Tədris şöbəsi adlandırılmışdır

ŞÖBƏ HAQQINDA

       Tədris şöbəsi öz işini Azərbaycan Respublikasının Konstitusiyasına, Təhsil Qanununa, Azərbaycan Respublikasının Mülki Məcəlləsinə, Təhsil  sahəsində İslahat Proqramına, Ali təhsil  haqqında Əsasnaməyə, Azərbaycan Respublikası  Prezidentinin 2013-cü il  24 oktyabr tarixli  sərəncamı ilə təsdiq edilmiş “Azərbaycan  Respublikasında təhsilin inkişafı üzrə Dövlət Strategiyası”na,  tədris-tərbiyə ilə bağlı olan digər normativ – hüquqi sənədlərə, ADPU-nun Şamaxı filialının “Əsasnamə”sinə və Elmi Şura  tərəfindən təsdiq olunmuş iş planına istinad edilir.

TƏDRİS ŞÖBƏSİNİN FƏALİYYƏTİ:

– Şöbə filialın Pedaqoji  fakultəsində  və kafedralarında tədris işlərini təşkil edir, tədris yüklərinə dair tapşırıqların müvafiq strukturlara çatdırılmasını, kafedralar üzrə professor-müəllim heyətinin dərs yükünün bölünməsini, təsdiq edilməsi və yerinə yetirilməsini, tədrislə bağlı bütün statistik məlumatların hazırlanması və aidiyyəti yerlərə göndərilməsini təşkil edir.

– Tələbələrin tədris planına uyğun dərslərin tələblərə uyğun keçirilməsinə nəzarət edir.

– Tələbələrin məsləhət saatlarının təşkilinə, imtahanların keçirilməsinə,  akademik  borcların ləğvinə, tələbələrin dərsə davamiyyətinə nəzarət  edir və təhsillə bağlı bütün məsələlərin həllində  iştirak edir.

– Metodik işlərlə bağlı rəhbər orqanların, bütün normativ hüquqi sənədlərin, qanun, qərar, əmr, göstəriş, təminatı  məktub və sərəncamların filialın struktur bölmələrinə və kafedralara çatdırılmasını təmin edir, kafedralar və fakultənin tədris-metodik fəaliyyəti barədə illik hesabatları qəbul edir, ümumiləşdirir və filial üzrə illik hesabatın tərtib edilməsində iştirak edir.

– Tədris prosesinin təkmilləşməsinə xidmət edən təkliflər, metodik  göstərişlər, tövsiyələr hazırlayır, açıq dərslərin keçirilməsini təşkil edir, tədris olunan fənlərin proqramlarının mövcudluğu vəziyyətini öyrənir.

– Buraxılış Yekun Dövlət Attestasiyasının,  buraxılış işlərinin müdafiəsi ilə bağlı zəruri olan metodiki sənədlərin vaxtında hazırlanaraq tələbələrə, kafedra və dekanlığa çatdırılmasına nəzarət edir.

– Pedaqoji təcrübəyə gedəcək tələbələrin dəqiq siyahısını  hazırlayır, müəssisələrlə müqavilələr bağlanmasını, pedaqoji təcrübənin başlanması və yekun  konfransının keçirilməsini təmin edir, təcrübəyə gedən tələbə  və müəllimlərin davamiyyətinə, sınaq dərslərinin keçirilməsinə nəzarət edir.