Şamaxı rayon Sabir qəsəbə tam orta məktəbində Dağlıq Şirvan Regional Təhsil İdarəsi, Şamaxı rayon Sabir qəsəbə tam orta məktəbi və Türkiyənin Kastamonu Şenpazar Çox Proqramlı liseyinin birgə təşkilatçılığı ilə Ümummilli Lider Heydər Əliyevin anadan olması və Türkiyə Cümhuriyyətinin 100 illiyinə həsr edilmiş Beynəlxalq konfrans keçirildi. Türkiyənin Kastamonu Şenpazar Çok Programlı Anadolu liseyinin bir qrup müəllim və şagirdləri, ADPU-nun və BSU- nun Bakı şəhərindən dəvət olunmuş professor-müəllim heyətinin iştirak etdiyi konfransda ADPU-nun Şamaxı filialının tələbələri də məqalə ilə iştirak edirdi.

Filialımızın Məktəbəqədər təlim və tərbiyə ixtisasının III kurs tələbəsi, Tələbə Gənclər Təşkilatı nəzdində fəaliyyət göstərən Kitab və qiraət klubunun fəal üzvü Firəngiz Samiyeva konfransın mövzusuna uyğun məqalə ilə çıxış etmiş, “Təşəkkürnamə” ilə təltif edilmişdir.