Şuşa Dövlət Musiqili Dram Teatrının aktyorları Azərbaycan Dövlət Pedaqoji Universitetin (ADPU) Şamaxı filialının qonağı olub. Onlar filialı daha yaxından tanımaq məqsədilə tədris prosesi və maddi-texniki baza ilə tanış oldular.

Filialda gəzintinin ardınca Şamaxı Rayon İcra Hakimiyyəti və  Azərbaycan Dövlət Pedaqoji Universitetin (ADPU) Şamaxı filialının birgə təşkilatçılığı ilə Şamaxı rayon Mədəniyyət Mərkəzinin səhnəsində Şuşa Dövlət Musiqili Dram Teatrının aktyorlarının ifasında C.Məmmədquluzadənin “Anamın kitabı” adlı əsəri əsasında eyniadlı tamaşası nümayiş edib. Səhnə əsərinin quruluşçu rejissoru Lalə Şirinova, quruluşçu rəssamı Valeh Məmmədov, musiqi tərtibatçısı Ağasəlim Feyzullayevdir. Rollarda Xanirə İskəndərova, Orxan Abışov, Nihad Heybətov, Türkay Cəfərli, Dürdanə Dünyamalıyeva, Təranə Əliyeva, Rasəf Mehdiyev, Vüsal Məmmədov, Emin Sevdiməliyev, Gündüz Qasımov və Mobil Qurbanov çıxış ediblər. Aktyorların ifası tamaşaçılar təfərindən alqışlarla qarşılanıb.

Sonda filialın kollektivi və tələbələri ilə birgə xatirə şəkli çəkildi.