Martın 14-də ADPU-nun Şamaxı filialında Beynəlxalq Riyaziyyat- Pi Gününə həsr olunmuş “Riyaziyyat bütün elmlərin açarıdır” adlı Elmi-praktik konfrans  keçirildi.

Konfransı giriş sözü ilə filialın direktoru, dosent Tünzalə Yusifova açaraq  günün əhəmiyyətindən və tarixindən danışdı.  O, konfransın işinə uğurlar arzuladı.

Sonra Riyaziyyat və kompüter elmləri kafedrasının baş müəllimi Çingiz Dadaşov “Dünya riyaziyyat dilində yazılmış əzəmətli bir kitabdır” başlığı altında çıxış edərək bu elmin dərinliklərindən və bugünkü günün tarixi əhəmiyyətindən ətraflı bəhs etdi. Ç.Dadaşov çıxışının sonunda Misir Mərdanovun “Azərbaycan riyaziyyatçıları” kitabını universitetin kitabxanasına hədiyyə etdi.

Daha sonra filialımızın Riyaziyyat və informatika müəllimliyi ixtisasının V tədris ili tələbəsi Nəsibli Güldəstənin “Maraqlı ədədlər”, IV tədris ili tələbələri Tarverdiyeva Jalənin “Riyaziyyat elmi haqqında aforizmlər”, Dadaşova Dilşadın “Riyaziyyatın digər fənlərlə əlaqəsi”, Hidayətli Mehranın “Maraqlı riyazi kəşflər”, Həmidova Lamiyənin “Nano texnologiyalar və onların Azərbaycanda tətbiq sahələri” mövzusunda bir-birindən maraqlı tədqiqat işləri təqdim olundu.

Bütün çıxışlar və təqdimatlar tədbirdə iştirak edən professor -müəllim və tələbə heyəti tərəfindən böyük maraqla qarşılandı.