“Özünü kəşf et!”

Gənclərin daxili istedadlarını ortaya çıxarmaq, işgüzar və kariyera, o cümlədən xarakterlərinin inkişaf etdirilməsi və formalaşdırılması məqsədilə Şamaxı regional “ASAN xidmət mərkəzinin və Azərbaycan Dövlət Pedaqoji Universitetinin Şamaxı filialının birgə əməkdaşlığı çərçivəsində “Özünü kəşf et!” adlı şəxsi inkişaf təlimlərindən ibarət layihə həyata keçirilmişdir.

Təqribən 3 aylıq silsilə təlimlər formatında həftədə bir dəfə tərəfimdən tədris edilən dərslər psixoloji, emosional və innovativ yanaşmalar istiqamətlərində gənclərin tərəqqisini təmin etmək məqsədi daşıyırdı. Dərslərdə iştirak edən gənclər şəxsi inkişafla bağlı müxtəlif zehni, strateji və təxəyyülü formalaşdıran tapşırıqlar edir və mövzu ətrafında müzakirələrdə iştirak edirdilər.

Layihəni uğurla başa vuran gənclərə müvəffəqiyyət sertifikatlarını da təqdim etdik.
Hər bir gənci təbrik edirəm! 👏👏👏