Şamaxı rayon Mirzə Ələkbər Sabirin Ev Muzeyinin təşkilatçılığı ilə Şamaxı rayon Uşaq Gənclər İnkişaf Mərkəzində Azərbaycanın böyük xalq şairi, bədii –ictimai fikir tarixində yeni ədəbi məktəbin banisi, görkəmli maarifpərvər Mirzə Ələkbər Sabirin anadan olmasının 161–ci ildönümünə həsr olunmuş ümumtəhsil məktəblər və tələbələr  arasında bədii qiraət müsabiqəsinin seçim turu keçirildi.

Tədbirdə münsiflər heyəti qismində Şamaxı rayon Mirzə Ələkbər Sabirin ev Muzeyinin direktoru, Əməkdar Mədəniyyət İşçisi Rəqsanə Xəlilzadə, Azərbaycan aktyoru, teatr rejissoru, “İlham” Miniatür teatrının direktoru və bədii rəhbəri, professor, ADMİU- nun “Musiqili teatr aktyoru” kafedrasının müdiri, Şöhrət ordenli Azərbaycanın xalq artisti  İlham Namiq  Kamal, ADPU- nun Şamaxı filialının kafedra müdiri, filologiya elmləri  üzrə fəlsəfə doktoru, Sabirşünas Eyvaz Eminalıyev,
AMEA Məhəmməd Füzuli adına Əlyazmalar İnstitutunun şöbə müdiri, filologiya üzrə fəlsəfə doktoru, dosent Lamiyə Rəhimova, Bakı şəhəri Xətai rayon 165 saylı tam orta məktəbin Ana dili və ədəbiyyat müəlliməsi, şairə Mehparə Səfərova, AMEA Məhəmməd Füzuli adına Əlyazmalar İnstitutunun böyük elmi  işçisi, filologiya üzrə fəlsəfə doktoru Şəhla Xəlilli, Dağlıq Şirvan Regional  İdarəsinin əməkdaşı Nişanə Eyyubova iştirak edirdilər.
Müsabiqədə ADPU-nun Şamaxı filialının  tələbələri  iştirak etmiş və  seçim turunda qalib gələrək növbəti tura vəsiqə qazanmışlar.  Tələbələrimizə uğurlar arzu edirik.