M.Veysov adına Şamaxı şəhər 6 nömrəli tam orta məktəbin direktoru Yaqut İbrahimovanın həmin məktəbdə pedaqoji təcrübə keçmiş tələbələrimiz haqqında söylədikləri:
-Müəllimlik ən şərəfli, ən müqəddəs peşədir. ​ Müəllim fədakarlıq deməkdir. Müəllim öz ömrünü şagirdlərinə həsr edir. Öz peşəsini, öz şagirdini sevməyən insan müəllim ola bilməz. Sizin tələbələrdə biz o sevgini artıqlamasıyla gördük. Onlar məktəbə gəldikləri ilk gündən şagirdlərə qayğı ilə yanaşaraq, onların sevgisini qazanmışlar. Hətta onlar təcrübəni başa vurub gedərkən şagirdlər göz yaşı tökürdülər. Bütün bunlar onu göstərir ki, sizin tələbələriniz peşəsini qəlbən sevir və şagirdlərimiz etibarlı əllərdə olublar. Təcrübəçi tələbələr bütün ictimai işlərdə, tədbirlərdə aktiv şəkildə iştirak etmişlər. ​ Buna görə də mən tələbələrə və onları yetişdirən professor müəllim heyətinə öz təşəkkürümü bildirirəm, və onlara uğurlar arzu edirəm.