2 noyabr 2021-ci il saat 1200-da Azərbaycan Dövlət Pedaqoji Universitetinin Şamaxı filialının “Riyaziyyat və kompyuter elmləri” kafedrası və AMEA-nın N.Tusi adına Şamaxı Astrofizika Rəsədxanasının birgə təşkilatçılığı ilə “Günəş sisteminin tərkibi və təkamülü” adlı elmi praktik seminar keçirilmişdir.
Tədbirdə filialın direktoru dos.Tünzalə Yusifova, professor-müəllim heyəti, tələbələr və AMEA-nın N.Tusi adına Şamaxı Astrofizika Rəsədxanasının əməkdaşları iştirak ediblər.
Tədbirdə filialın direktoru dos. Tünzalə Yusifovanın giriş sözü söyləmişdir.
Ümummilli Lider Heydə Əliyevlə başlanan ənənələr Ulu Öndərin özü qədər inandığı və gələcəyinə böyük ümüdlər bəslədiyi Prezident İlham Əliyev tərəfindən bu gün uğurla davam etdirilir. 2021-ci ilin “Nizami Gəncəvi” ili, işğaldan azad olunmuş Şuşanın isə Azərbaycanın mədəniyyət paytaxtı elan edilməsi və dövlətimizin başcısının çıxışlarında milli-mənəvi dəyərlərimizə xüsusi diqqət yetirməsi Heydər Əliyev siyasətinin uğurlu davamının göstəricisidir.
AMEA Şamaxı Astrofizika Rəsədxanasının şöbə müdiri, fizika-riyaziyyat elmləri üzrə fəlsəfə doktoru Ədalət Ətai “Günəş sisteminin planetləri” mövzusunda çıxış etmişdir. «Günəş sisteminin planetləri». Çıxış Günəş sistemi planetlərinin öyrənilməsinin nə üçün lazım olduğuna və AMEA N.Tusi adına Şamaxı Astrofizika Rəsədxanasında son illərdə planetlərin tədqiqi sahəsində alınmış yeni nəticələrin şərhinə həsr olunmuşdur.
Riyaziyyat və informatika müəllimliyi ixtisasının II tədris ili tələbəsi Məcnunov Yusif «Seyfert qalaktikaları»mövzusunda çıxış etmişdir. Çıxış Kainatı təşkil edən qalaktikalara həsr olunmuşdur. Seyfert qalaktikaları bir sıra xüsusiyyətlərinə görə digər qalaktikalardan seçilən səma cismlərinə həsr olunmuşdur. Bu kompakt obyeklərin öyrənilməsi, qara çuxura maddə axını zamanı baş verən fiziki proseslərin aşkarlanması, mərkəzi energetik mənbənin təbiətinin aydınlaşdırılması baxımından, nəzəri fizikanın eləcə də kosmologiyanın bir sıra problemlərinin həlli baxımında mühüm əhəmiyyət kəsb edir.
