Azərbaycan Dövlət Pedaqoji Universitetinin Şamaxı filialında Riyaziyyat və kompüter elmləri kafedrasının təşkilatçılığı ilə Ulu öndər Heydər Əliyevin anadan olmasının 100 illiyinə həsr olunmuş Beynəlxalq “π” günü ilə əlaqədar “Riyaziyyat və həyat” adlı elmi-praktik konfrans keçirilib.
Konfransda filialın rəhbərliyi, professor – müəllim və tələbə heyəti və Şamaxı rayon İcra Hakimiyyəti başçısının müavini Mehriban Eyyubova iştirak etmişlər.
İlk olaraq Ulu öndər Heydər Əliyevin və 44 günlük vətən müharibəsində canlarından keçmiş şəhidlərimizin əziz xatirəsi bir dəqiqəlik sükutla yad edilib. Filialın direktoru, dosent Tünzalə Yusifova çıxış edərək konfransın işinə uğurlar arzuladı.
Sonra Riyaziyyat və kompüter elmləri kafedrasının müdiri, p.ü.f.d Firidə Mustafayeva Ümumilli lider Heydər Əliyevin təhsilimizə, maarifə, müəllimə verdiyi qiymətdən söhbət açdı.Sonra Beynəlxalq riyaziyyat- π gününün tarixindən danışdı. Daha sonra π ədədi və onun tarixi haqqında videoçarx nümayiş olundu.
Ardınca Riyaziyyat və kompüter elməri kafedrasının baş müəllimi Çingiz Dadaşov – “Həyat riyaziyyat dilində yazılmış kitabdır” mövzusunda məruzə ilə çıxış etdi.
Daha sonra Riyaziyyat və kompüter elməri kafedrasının baş müəllimi Əlişah Eyyubovun “ Xarakteristik kəmiyyətlər və görkəmli limitlər”, Riyaziyyat və informatika müəllimliyi ixtisasının IV tədris ili tələbələri Kərimova Səbinənin “Musiqi və riyaziyyat”, Sadıqova Nigarın “Rəssamlıqda riyaziyyat”, Bilalova Röyanın “Arxitekturada riyaziyyat”, İbtidai sinif müəllimliyi ixtisasının III tədris ili tələbəsi Zülfüqarova Mirvarinin “Əyləncəli riyaziyyat mövzularında maraqlı çıxışları dinlənildi.
Bundan əlavə tələbələr arasında Pi (π) Tələbələr arasında ədədinin vergüldən sonrakı mərtəbələrini əzbərləmə yarışı, müxtəlif intellektual oyunlar da keçirilib. Qaliblərə sertifikatlar və hədiyyələr təqdim olunub.
Bütün çıxışlar və təqdimatlar tədbirdə iştirak edən professor-müəllim heyəti və tələbələr tərəfindən maraqla qarşılandı.
Sonda Şamaxı RİH-in başçısının müavini Mehriban Eyyubova çıxış edərək tədbir haqqında təəsüratlarını bölüşdü və konfransın işindən çox razı qaldığını vurğuladı.