Azərbaycan Dövlət Pedaqoji Universitetinin (ADPU) Şamaxı filialında qış imtahan sessiyası başa çatıb.
Sessiya dekabrın 29-dan fevralın 1-dək davam edib.
Sessiya zamanı üzrlü və ya üzrsüz səbəblərdən imtahanda iştirak etməyən tələbələrə həmin fənlərdən imtahan vermək üçün fevral ayının 3-dən 7-dək şərait yaradılıb.
Sessiyanın gedişinə operativ nəzarət, tələbələrin biliyinin qiymətləndirilməsində şəffaflığı təmin etmək məqsədilə İmtahan Qərargahı və Apelyasiya Komissiyası yaradılıb. Komissiya sessiya müddətində imtahanların gedişi ilə əlaqədar ərizə və təkliflərin araşdırılmasını təmin edib.
