Azərbaycan Dövlət Pedaqoji Universitetinin Şamaxı fililalının tanıtımı məqsədilə Şamaxı şəhər Elşən Hüseynov adına 2 saylı orta məktəbdə görüş keçirildi.

Görüşdə filialın Sosial və humanitar məsələlər üzrə direktor müavini Şəlalə Seyidova, Tədris şöbəsinin müdiri Fəxrəddin Məmmədov, Pedaqoji təcrübə rəhbəri, Rasim Nərmanov və İKT şöbəsinin mütəxəssisi Ülkər Səftərova şəhər və kənd məktəblərinin müəllim və şagirdləri iştirak edirdi.

Çıxışlarda ADPU-nun Şamaxı filialında həyata keçirilən yüksək səviyyəli tədris prosesi , mövcud maddi-texniki bazası, inkişaf dinamikası, ixtisas və keçid balları, maraqlı tələbə həyatı barədə ətraflı məlumat verildi. Sonda filial haqqında videoçarx və təqdimat nümayiş olundu və görüş diskussiya formasında davam etdi.