Yanvarın 22-də ADPU-nun Şamaxı Filialının kollektivi filialın məzunu, Vətən müharibəsi şəhidi, “Vətən uğrunda” və “Döyüşdə fərqlənməyə görə” medalları ilə təltif edilmiş Orxan Nəbiyevin doğum günü münasibətilə şəhidin Şamaxı şəhər Qurdtəpə kəndində yerləşən məzarını ziyarət etdilər.
Ziyarətdə filialın direktoru, dosent Tünzalə Yusifova başda olmaqla filialın müəllim və tələbə heyəti, Orxan Nəbiyevin ailə üzvləri iştirak edirdilər.
Ziyarət iştirakçıları ilk olaraq Vətən yolunda qəhrəmancasına şəhid olan bütün şəhidlərimizin ruhuna dualar oxudular, Allahdan rəhmət dilədilər.
Filial rəhbərliyinin, Orxana dərs deyən müəllimlərin və valideynlərinin onunla bağlı xatirələri bütün iştirakçılara kövrək və qürur dolu anlar yaşatdı.
Qeyd olundu ki, Zəfər yürüşü dövründə qəhrəman oğullarımızla bərabər onların ailə üzvləri də əsl əzm və mübarizlik nümayiş etdirdilər.
