2024-cü ilin “Yaşıl dünya naminə həmrəylik ili” elan edilməsi ilə əlaqədar filialda tədbirlər planı tərtib olunub. Tədbirlər planına əsasən, ətraf mühitin sağlamlaşdırılması, yaşıllıqların bərpası və artırılması, su ehtiyatlarından və dayanıqlı enerji mənbələrindən səmərəli istifadənin təmin edilməsi istiqamətində ardıcıl tədbirlər, aksiyalar keçirilir.

Bununla bağlı filialının Pedaqoji fakültəsinin təşəbbüsü və tələbələrin təşkilatçılığı ilə “Yaşıl dünya naminə həmrəylik” ilinə həsr olunmuş “Yaşıl dünya naminə – Sağlam gələcək” adlı tədbir baş tutmuşdur. Tələbələr bir-birindən gözəl çiçəklər əkmiş, filialın həyətyani sahəsini təmizləmişlər. Direktor dos. T.V.Yusifova tələbələrlə təmiz, sağlam ətraf mühitin insan həyatında müsbət rolu və eyni zamanda  zərərli vərdişlərin mənfi nəticələri haqqında geniş maarifləndirici söhbətlər aparmışdır.  Sonda  tələbələr filialın həyətyani sahəsində 20-yə yaxın Şam, akasiya, meyvə və müxtəlif növ  ağaclar əkmişlər.