ADPU-nun Şamaxı filialı hər zaman məzunların uğurları ilə fəxr edir.

Filialımız məzunlarımızla davamlı əməkdaşlıq aparır və bunun üçün filial da baza da yaradılıb. Bu məzunlar zaman-zaman filialda müxtəlif mövzularda tədbirlər keçirir.  Belə tədbirlərdən biri də filalımızın məzunu, Şamaxı Avropa Liseyinin müəllimi Maqsudova Nurlananın təqdimatında ibtidai sinif müəllimliyi ixtisasının tələbələrinə keçirilən “Uğura gedən yol” mövzusunda seminardır.

Seminarda filialın direktoru dosent Tünzalə Yusifova,  professor-müəllim heyəti, ibtidai sinif müəllimliyi ixtisasınin  tələbələri və məzunları iştirak edirdi.

Tünzalə Yusifova giriş sözü ilə çıxış edərək tədbir iştirakçılarını salamladı. Qeyd etdi ki, filialımızın məzunlarının uğurları bizi hər zaman sevindirir. Onlar ölkənin müxtəlif yerlərində filialımızı uğurla təmsil edirlər. Sevindirici haldır ki, filialımızın məzunu olan Nurlana müəllimə bugün burada tələbələrimizə maarifləndirici seminar keçirir.

Seminarda tələbələrə müəllimlik peşəsində uğur qazanmağın yolları, bu yolda qarşıya çıxacaq maneələri necə dəf etmək haqqında ətraflı məlumat verildi. Həmçinin Müəllimlərin İşə Qəbulu (MİQ) imtahanlarına hazırlıq və uğurlu nəticə əldə etməyin yollarını izah etdi.

Olduqca maraqlı keçən seminarda tələbələr aktiv şəkildə iştirak edərək onları maraqlandıran sualları ünvanladılar və seminar qarşılıqlı müzakirə formasında davam etdi.