ADPU-nun Şamaxı filialında ETM-in Tətbiqi tədqiqatlar bölməsinin müdiri dosent Gülşən Novruzova  tərəfindən“ADPU-nun Şamaxı filialında pedaqoji kadrhazırlığında müasir təlim texnologiyalarının tətbiqi” layihəsinin əsas ideyasını əks etdirən “Təfəkkürə əsaslanan dərsin təşkili üzrə mentor hazırlığı” mövzusunda təlim-seminar təşkil olunmuşdur. İştirakçılar tədris prosesində müasir təlim texnologi­ya­ları­­nın tətbiqi ilə bağlı aktual məsələləri vurğulamış, geniş diskussiyalar keçiril­miş­dir. Təlimin gedişində p.ü.f.d. Gülşən Mehdizadə müəl­limlər arasındakı sorğuların nəticələrini diqqətə çatdırmış və fikir mübadiləsi aparılmışdır.

Sonda filialın direktoru dosent Tünzalə Yusifova çıxış edərək təlim-seminarın təşkilində əməyi olanlara və iştirakçılara minnətdarlığını bildirmiş, bu kimi tədbirlərin təhsil prosesinin təkmilləşdirilməsində mühüm rol oynadığını qeyd etmişdir.