Azərbaycan Dövlət Pedaqoji Universitetinin Şamaxı filialına qəbul olunmuş abituriyentlərin sənəd qəbulu 28 avqust – 08 sentyabr tarixlərində onlayn formada aparılacaqdır.
2025/2026-cı tədris ilində ADPU-nun Şamaxı filialının bakalavriat səviyyəsinə qəbul olmuş şəxslər https://portal.edu.az portalına daxil olaraq “Ali və orta ixtisas təhsili müəssisələrinə təhsil alan qeydiyyatı” xidmətini seçməli və onlayn qeydiyyatdan keçməlidirlər.
Onlayn qeydiyyat zamanı tələb olunan sənədlər:
Hərbi biletin surəti (hərbi xidmətdə olmayanlar üçün çağırışçı vəsiqəsi)
Təhsil haqqından azad olan imtiyazlı şəxslər üçün müvafiq sənədlərin surəti.
Qeyd:
Ödənişli əsaslarla təhsil alacaq tələbələr illik təhsil haqqının minimum 50%-ni ödəməlidirlər.
Təhsil haqqını ödəməkdə çətinlik çəkən şəxslər Tələbə Təhsil Krediti Fonduna (TTKF) müraciət edə bilərlər.
https://portal.edu.az portalında qeydiyyat etməyən şəxslər Dövlət İmtahan Mərkəzi tərəfindən qəbul olunmamış hesab ediləcək və onlar barəsində qəbul əmri verilməyəcəkdir.
Qeydiyyatı təsdiqlənmiş abituriyentlər filiala gələn zaman aşağıdakı sənədləri təqdim etməlidirlər:
Tam orta təhsil haqqında sənəd (Attestat) və ya təhsilin əvvəlki mərhələsini bitirdiyi barədə sənəd (Subbakalavrlar üçün həmin təhsil müəssisəsini bitirmələri haqqında arayış və ya diplom);
Fotoşəkil (ağ fonda) 3×4 ölçüdə; (hicablı olanlar şəxsiyyət vəsiqəsindəki şəkli kimi)-4 ədəd
Şəxsiyyət vəsiqəsinin surəti – 6 ədəd
Hərbi bilet və ya çağırış məntəqəsinə təhkim olunma haqqında sənəd (ağ bilet, oğlanlar üçün)
Tibbi arayış (Forma 086, şəkilli)
Qəbul olunma haqqında sənəd (Dövlət İmtahan Mərkəzinin portalından çıxarılır)
Yaşayış yeri haqqında arayış (tələbənin adına)
Təhsil haqqından azad olan imtiyazlı şəxslərin sənədlərinin notarial qaydada təsdiqlənmiş surətləri.
Müqavilə (Ali təhsil müəssisəsi tərəfindən veriləcək, valideynlər birinin iştirakı mütləqdir)
