16 may tarixində ADPU Şamaxı filialının İnformasiya və Kommunikasiya Texnologiyaları şöbəsi ilə Riyaziyyat və Kompüter Elmləri kafedrası – tədris prosesinin müasir texnologiyalarla zənginləşdirilməsi, elmi-metodoloji potensialın gücləndirilməsi və pedaqoji heyətin davamlı inkişafına xidmət edən nüfuzlu struktur bölmələr olaraq – birgə şəkildə nümunəvi təşəbbüsə imza atmışlar. Bu əməkdaşlığın nəticəsi kimi filialın professor-müəllim və tədris-köməkçi heyətinin informasiya-kommunikasiya texnologiyaları sahəsində praktik bacarıqlarının artırılması məqsədilə yüksək səviyyəli elmi-metodoloji təlim təşkil olunmuşdur.
Təlim “Effektiv slaydlar üçün PowerPoint dizayn texnikaları” mövzusunda keçirilmiş və tədbir iştirakçılarına müasir təqdimat texnologiyalarının peşəkar şəkildə tətbiqi, vizual dizayn prinsipləri, auditoriya ilə effektiv ünsiyyətin qurulması və təqdimat strukturunun optimallaşdırılması kimi mühüm mövzularda əhatəli biliklər təqdim edilmişdir. Təlim, nəzəri və praktiki bölmələri özündə birləşdirməklə, iştirakçılara birbaşa tətbiq oluna biləcək konkret texniki bacarıqlar qazandırmaqla fərqlənmişdir.
Tədbirin təşkili və uğurla həyata keçirilməsi, hər iki qurumun – İnformasiya və Kommunikasiya Texnologiyaları şöbəsi ilə Riyaziyyat və Kompüter Elmləri kafedrasının – peşəkarlıq səviyyəsini, innovasiyaya açıqlığını və elmi-metodoloji sahədə koordinasiyalı fəaliyyət göstərmək bacarığını bir daha nümayiş etdirmişdir. Təlim iştirakçıları tərəfindən böyük maraq və fəallıqla qarşılanmış, tədbir sonunda verilən rəy və təkliflər gələcəkdə bu istiqamətdə təşkil olunacaq yeni təlimlər üçün stimullaşdırıcı zəmin yaratmışdır.
